Stomaco
From LFN
La stomaco (en elinica clasica στόμαχος) es un parte de la curso gastrointestinal. La rol de la stomaco no es la asorbe de nurinte, un taxe per la intestinos. La rol es la rompe de la moleculos grande de gras per ce los pote es asorbeda plu fasil par la intestinos. La nomes latina per la stomaco ia es ventriculus e gaster; multe parolas medical relatada a la stomaco usa "gastro-."
La stomaco de umanas es un ambiente multe asidos - con un pH de 1.5 a 2 de la screte de asida idroclorica (HCl) --con enzimas dijeral peptidase como pepsin. Per fato, la stomaco pote screte 2 a 3 literes de jus gastral per dia. La HCL comensa la cataboli de proteines, per desrola la moleculo per ce otra enzimas pote rompe la proteines a asidas amino. Esta prosede cambia la bal de comeda a un materia mol clamada cimo.
Anatomia de la stomaco umana
La stomaco resta entre la esofago e la parte prima de la intestino magre (la duodeno). El es a la lado sinistra de la caveta adominal, con la fondo de la stomaco resta su la diaframa. Su la stomaco es la pancreas, e la omento grande pende de la curva grande de la stomaco.
El es divideda en cuatro partes, cada un con selulas e funsiones diferente. La partes es: 1. La area cardial, do la contenis de la esofago vacui en la stomaco; 2. la fondo, formada par la curva superior de la organo; 3. la corpo, o area major e sentral; e 4. la piloro, la area plu inferior de la organo do la contenis de la stomaco vacui en la intestino magra.
Du valvas de musculos lisa resta a la entra e la sorti de la stomaco: 1. La sfinter cardial (o sfinter esofagal) a la entra; 2. la sfinter piloral, a la sorti.
La asida gastral es si asidos, el pote dana la surfas interior de la stomaco, creante un ulsera gastral. Plu resente, siensistes descovre ce ulseras de la stomaco es causada per un infeta de la bateria Helicobacter pilori. La Premio Nobel per medica de 2005 ia es donada a Barry J. Marshall e Robin Warren per esta descovre importante.
En umanas, la stomaco es sirca 50 ml cuando vacuida. Pos un come, el pote estende per conteni entre un e cuatro literes de comeda!
