From LFN
La Sutra de la Cor
Avalokitexvara, la Bodhisattva de Compati,
quando el medita profunda supra la Perfeta de Sajia,
ia vide clar ce la sinco aspetas de esiste umana es vacua,
e en esta modo ia relasa se de sufri.
Respondante a la monce Sariputra, el ia dise esta:
La corpo es no plu ce vacuia,
vacuia es no plu ce corpo.
La corpo es esata vacua,
e vacuia es esata corpo.
La cuatro otra aspetas de esiste umana -
senti, pensa, vole, e consensa -
es simila no plu ce vacuia,
e vacuia no plu ce los.
Tota cosas es vacuia:
No cosa nase, no cosa mori,
no cosa es pur, no cosa es bruta,
no cosa aumenta e no cosa diminui.
Donce, en vacuia, es no corpo,
no senti, no pensa,
no vole, no consensa.
Es no oios, no oreas,
no nas, no lingua,
no corpo, no mente,
Es no vide, no oi,
no ole, no degusta,
no palpa, no imajine.
Es no cosa videda, no cosa oida,
no cosa oleda, no cosa degustada,
no cosa palpada, no cosa imajineda.
Es no ignora,
e no fini de ignora.
Es no vea e mori,
e no fini de vea e mori.
Es no sufri, no causa de sufri,
no fini de sufri, no via per segue.
Es no reali de sajia,
e no sajia per reali.
La Bodhisattvas confide en la Perfeta de Sajia,
e donce, con no deludes,
los no teme,
e ave Nirvana asi e aora.
Tota la Buddhas,
pasada, presente, e futur,
confide en la Perfeta de Sajia,
e viva en velia completa.
La Perfeta de Sajia es la mantra plu grande.
El es la mantra plu clar,
la mantra plu alta,
la mantra ce sutrae tota sufri.
Esta es la vera ce no pote es dutada.
Dise el en esta modo:
Gate,
gate,
paragate,
parasamgate.
Bodhi!
Svaha!
Ce sinifia...
Departi,
departi,
departi ala,
departi completa ala,
Velia!
Amen!
