Talk:Parolas mancada

From LFN

Contenida 1 Sujeste: globali 1.1 Antiglobalistes es promundalistes 2 Sinias 3 Discutes de parolas nova

Sujeste: globali

Globali es un prosede economial, no egal a la ideolojia internationalisme. as;

• internasionali? gb;

• no no, per ce el es dual (internasionali e nasionali!) e nonegal: sola 'la mal' es internasionalida (la esplota de enfantes Indonesian par Nike e la Exxon-Valdezes) e tota 'la bon' es nasionalida (profitas de Exxon e Nike resta American). esta es la conserna prinsipal de la move de antiglobalistes. donce, el esplica per ce la antiglobalistes consiste de internasionalistes. as;

• el pare a me ce nos ave MAL internasionali e BON internasionali. posable nos debe dise "esplota internasional?" gb;

• Nos nesesa un parola vera nova: "globali", per ce:

1. globali es un prosede spesifida economial. internasionali es jeneral posable per tota cosas.
2. globali es dual: consentra jeografial la potia economial (anti-internationali). internasionali es sola internasionali.
3. la globali es un prosede ojetal, nondependente de opinias. donce, nos no pote usa la parola "mal". ave ance personas ce pensa ce globali es bon. e multe pro-globalistes no usa la parola "esplota" ma la parola "developa un pais de Munde Tre" supra esplota la labor de enfentes.
4. sp:globalizacion, it:globalisazzione, pt:globalizacao, fr:mondialisation (globalisation es comprendeda en franses) e en esta linguas, globali e internationali no es la mesma.

-- ActiveSelective_talk 20:02, 24 February 2006 (CET)

Me comprende. La problem con "globali" es ce nos no ave la parola "globo!" E, con "sfera," "mundo," e "tera," nos no nesesa el. Es "mundali" bon, contra el esiste sola en franses? -jorj

La Grande Tirano e se globo internasionalisme no imperialisme si

• Si. Me pensa ce "mundali" es ance bon. Parlantes de lingua roman comprende la parola vera fasil. Ma me preferi "globali" per ce la linguas nonroman ance usa un parola comensante a "glob".

Si nos nesesa un parola "globo", nos pote defini un globo: un model poca de la tera, un sfera con un mapa de continentes e mares e rios e bordas? Globali pote es esplicada a un modo poca figural como "desinia bordas nova en la carta de la globo".

Un otra parola pote es bon. Importa, el debe es clara e nonconfusante (p.e. "internasionalisme" confusa).

-- ActiveSelective_talk 06:12, 25 February 2006 (CET)

PS. "globalization" es un de la temas nesesada en la Lista de articles nesesada per vicipedia.

Me ance gusta la parolas globo e globi - tota parolas en la article de 'globalization' en otra linguas usa el (esetante Chines, natural), e la parola 'globe' no es en la disionario. Mithridates 07:32, 25 February 2006 (CET)

Oce: Globo per un sfera representante la tera; Globali per "globalization. -gb

Oce.

1. Per aida nos:

• Tera - la planeta (astronomial e jeolojial)
• Munde - tota la sosial, internasional (sosial e ideolojial)
• Sfera - la forma (matematical)
• Globo - la bal: mapa sferal de la tera (jeografial)

2. La parola esata per la cosa 'globo': globo o globe o globa? (o la bal es global? hmmm..nahhh)

-- ActiveSelective_talk 20:44, 25 February 2006 (CET)

Globo. Esta es un nom, no un ajetivo, como sfera (= nom e ajetivo) Jorj 00:14, 26 February 2006 (CET)

• Me pensa ce "mundali" es multe plu bon. "Globo", "global", e "globali" junta no sinifia a lfn. Los es sola plu parolas per sinifias ce nos ave ja. lp

'Mundali' es un posablia. Ma 'globali' me pare como la prosede economial, contra 'mundali' ce me pare plu como un prosede individual e sosial: de un enfente ci se adulte, o un studente ci va viaja e labora per un anio en la mundo, un drogomana ci se normali pos se viaja psicomanal, un prisonada ci renvia a la sosias, o un devota relijios ci va visita un prostituta per ave joia mundal.

-- ActiveSelective_talk

Oji, me ia leje plu de "globalization" e me pensa ce la parola "globali" no es nesesa, e es vera un impedi de comprende, no un aida! La formas bon es covreda par parolas como "internasionali economial," "multiculturisme," etc. La formas mal es covreda par parolas como "imperisme economial" e "imperisme cultural." Un pote usa ance parolas como "esplota," "desnasionali," o posable parolas tecnical como "transnasionali" o "omojeni cultural." E, nos ave a tota tempo "mundali!" Jorj 21:32, 27 February 2006 (CET)

Antiglobalistes es promundalistes

Jeneral, me pensa ce nos debe comensa a la cosas en la realia e xerca la parolas ce conveni los. O, dise a un otra modo, nos no crese parolas supra parolas, ma parolas supra cosas.

(1) La contra fundal

La 'globalization', ante el es nomida en un lingua, es un prosede economial en la realia. Se cualia fundal es un contra: el grandi a un lado e el poci a la otra lado. La 'globalization' de Shell Olio grandi se pote economial en la munde ma poci la munde de poplas Nijerianes ci no plu pote cultiva la solos brutas e debe abanda se comunias sosial e move. La 'globalization' de Coca-Cola internasionali se modo macinal de produi profitas ma poci la fruterias de la popla local e desapari la labor liada en se munde povre e ja poca. Un prosede vera desmundal. Es la lege economial de la competi ce la grandi de la un es la poci de la otra. Esta contra de [ grandi + poci ] es importante, mesma definiante.

Cual parola conveni la plu bon esta prosede contral? Nos ave ja la parola 'munde'; pote 'mundali' inclui la aspeta contral de la desmundali? El pare contradial a me. Pote la parola 'mundali' per la prosede total es egal a la 'mundali' de sola un aspeta pariculal de esta contra? Ance el pare contradial a me. Nos nesesa un parola nova per no confusa 'mundali' e 'desmundali', e 'mundali' total e 'mundali' particulal. La parola 'mundali' no pote sinifia esta contra.

(2) Dimensio economial

Ave multe discutas supra 'globalization'. Supra la contra crese du grupos sosial: la grupo plaseda par la grandi e la grupo menasada par la poci. Cada vole mostra se aspeta per reseta simpatia. La un mostra la grandi de 'la' munde, la otra vole mostra la poci de se munde.

A multe veses, la grupo en grandi no nega la poci ma el dise ce la balansa es positiva en tota per ce la grandi per la munde es plu ce la poci en la munde. El dise ce 'globalization' es plu ce sola contra economial. El ta es cultural (multicultisme) e sosial (leges umana) e siensal (interede). Ma vera, cuanto multicultisme ave nos quando tota la munde bevi Coca-Cola e come McDonalds? Cuanto sosial es la desapari de comunias sosial, privada de se modo de esiste per ce la solo es bruta? E interede, es el un repone per esta mode de esiste? Si 'globalization' resulta en la ramos sosial e cultural, donce a multe veses los es resultas desosial e desculturante (o desmundal e desmundente).

La resultas pote es cultural e sosial, ma la cause e prosede es economial. Nos debe no confusa causas e resultas, e la multe dimensios. Nos nesesa un parola reservada spesial per la prosede en la dimensio economial.

(3) Resultas lingual

La parola munde e mundali inclui plu! La 'munde' inclui multe dimensios -- sosias, economia, leges, ideolojias, cultur, individual, internasional. Esta es bon. Nos nesesa un parola nova per no confusa esta munde multe-dimensial e la prosede economial (un-dimensial). Per ce si nos confusa esta dimensios, la lingua es tirada en un area opiniada e ideolojial. Per esemplo, es ideolojial de nomi la 'antiglobalists' antimundal, contra la munde. Ma la antiglobalistes es internasionalistes e mundalistes.

Contra se natura economial, a multe veses la discutes usa combinas de 'globalization' e otra dimensios: 'cultural globalization' o 'globalizing ethics'. Esta usa ia fa desclari parolas. El colpa a la parolas bon ce nos ave ja: 'internasionali un cultur' e 'internasionali un etica'. El ia prepare la discutes nonsiensal e confusante: la 'multicultisme' proposada es vera la monocultisme internasional de McDonalds e MissUniverse. La sinifias de la parolas como 'multicultisme' es cambiada. Per claria de parolas e de discutes, nos debe ave un parola serta per la prosede economia ce no es multe-dimensial como 'munde'.

Fini e soma

Nos debe no crese parolas supra parolas: un 'mundali' supra un 'munde'. Me pensa ce sola un parola vera nova es un candidate per:

1. teni la contra fundal en un parola sola
2. es spesial economial
3. no colpa en otra parolas ma resta clara lingual, e no colpa en opinias ma pote es usada par 'antiglobalists' e 'proglobalists'.

Pensante plu e plu, me desgusta 'mundali' per 'globalization'. Me pensa ce 'globali' es un parola bon. E per 'mundali' me gusta la otra sujeste (a supra): un prosede sosial como desoli, corpi, dereliji, multidimensi o sosiali de un grupo o un individu.

PS. E mesma si nos aseta 'mundali', aora nos ave, cuasi cuasi, la article nesesada supra 'globalization' :)

-- ActiveSelective_talk 16:16, 28 February 2006 (CET)

En la linguas de Japon, Corea e Xine usa du parolas: per esemplo en Xines globalization es 全球化 (tota-globo-ization) e internationalization es 国际化 (pais-entre-ization). Mithridates 17:04, 28 February 2006 (CET)

Tu idea de "globalization" es sola un de la multe me ia leje. Per ce es "imperisme economial" no la mesma como "globalization?" Jorj

Per esta caso, posable nos pote usa la parola "globali" (clara la LFN forma de "globalization") sin junta otra parolas como "globo" o "global." Multe linguas usa "globalization" en un forma o un otra per la idea ce la mundo es deveninte un simple economia, per bon o mal. Nos nesesa eser capas de parla supra esta idea! Jorj

Sinias

Me pensa ce sinia asi con tre tildes*: ~~~ es plu bon ce sinia con sola du leteras. Tre tildes fa un sinia sin data. Mithridates 18:24, 26 February 2006 (CET)

Discutes de parolas nova

Dicutes asi --Sano 01:30, 1 febrero 2008 (CET)