Teoria de relatalia
From LFN
La Teoria de Relatalia es un de la teorias fisical la plu importante de sentenio 20, developada par Albert Einstein. El consiste de du partes: la Teoria de Relatalia Spesial e la Teoria de Relatalia Jeneral. La introdui de la teoria ia es importa per ce el ia solve multe problemas fisical e consetal.
Istoria
Ante 1905, la anio ce la teoria prima (Spesial) ia es publicada, ia ave teorias vera strana supra la 'etera' (ether). La etera ia es proposeda como un fluida material ma sin masa(!) ce cambia la relatas eletromagnetical cuando ojetos move. Esta cambias ia es mesurable ma la teorias supra eteras no ia es coerente. La etera mesma ia es no vidable no mesurable.
La Teoria de Relatalia Spesial combina la relates supra moves con la eletromagnetisme a un modo matematical vera simple e elegante, par introdui un consete nova de la spasio.
|
| La teoria de relatalia dise ce la via (puntas) de un ojeto (en la media) tra la spasio cambia la spasio mesma. |
Spasio-tempo
La Teoria de Relatalia Spesial nega la ipotese de la etera, e dise nos ce la spasio mesma es un ojeto. El es un ojeto ce es cambiada par ojetos ce move tra el.
Plu, el no es sola un spasio, ma un spasio-tempo. Move tra la spasio-tempo ance cambia la tempo. Esta fato ia inspira multe scrivores siensal-fisional en la idea de 'move tra la tempo': move a la pasada o a la futura (como en la filma Back to the Future).
Foras negra
La Teoria de Relatalia Jeneral evolva esta consete e la lejes fisical de la spasio-tempo. El predi ce la spasio-tempo ave 'perforas'. Esta foras atrae asta tota ojetos, mesma la particulas de lumina (fotones) ce es la particulas la plu rapida en la universa. No fotones pote evade esta foras e la foras no envia fotones. Seguente, nos no pote vide un fora. Nos sola vide un loca sin lumina: un fora negra.
Ave alga filmas siensal-fisional supra foras negra: per esemplo, The Black Hole de Walt Disney Productions (la filma es un varia moderna de la narada 20,000 metres su la Mar de Jules Verne).
La siensiste supra foras negra la plu famos es Stephen Hawking - la fisiciste jenial ci no pote parla e se move en un senta rolante.
