Tibet

From LFN

Tibet es un pais en la plano de Asia sentral e la abita orijinal de la popla tibetan. El es la parte de la mundo la plu alta, con un media altia de 4900 metres. Oji, Tibet es un parte de Xina.

Tibetanes clamada se pais Bod (བོད་), pronunsiada [pʰøʔ] en la dialeto de Lhasa, la capital. Esta nom es atestada en la jeografia de Ptolemeo como βαται (batai). La nom Tibet es de la nom arabian Tubbat, ce es de la Turces Töbäd, sinifia "la altas." La nom xines es 西藏 (Xīzàng).

Es plu nonacorda consernante la autonomia de Tibet. Tibetans, con multe otras sirca la mundo, crede ce Tibet ta es un nasion nondependente. Ma Xina comuniste crede ce Tibet es un parte de Xina, e esta es un realia a esta ora en istoria.

Tibet es conoseda per se spesie de Budisme clamada Vajrayana o "la via de la diamante." La xef de esta relijio es la Dalai Lama. La Dalai Lama oji es numero 14, Tenzin Gyatso, ce es un refujada en India. El ia gania la Premio Nobel de Pas en 1989.

La area jala es la Area Autonomial de Tibet (un area ofisial de Xina). La area verde es ance costumal parte de Tibet.