Trigo

From LFN

Trigo (Tritico) es un erba domada de Asia sude-ueste ce es cultiva tra la mundo. Trigo es un comeda importante per umanas: numero un es mais, du es trigo, e tre es orzo. La grano de trigo es usada per pan, tortas, tortetas, pasta, e cuscus, e per fermenta per bir, alcol, vodca, e biocombustables. Trigo es ance cultivada como un colieda per bestas, e la palia per bestas e per un materia de construi per tetos.

Trigo orijina en Asia sude-ueste. La relata a ungrano (Tritico beotico) e faro (Tritico dicoco) indica ce la plu probable area de doma es prosima a Diyarbakir en Turcia. Esta trigos savaje ia es domada en la comensa de cultiva en la "cresente fertil." Formas mutada con oreas forte e granos plu grande. La cultiva de trigo ia comensa estende estra la cresente fertil en la eda neolitica. Sirca 5000 anios pasada, trigo ia estende a Itiopia, India, Er, e Espania. Un mil anios plu, el estende a Xina. 3000 anios pasada, la usa de aradas traeda par cavalos ia aumenta la produi de granos sereal. En la sentenio 18, la inventa de la forador de semes aumenta la produi ancora. Ma 2006 ia es la prima anio en ce la mundo ia consuma plu trigo ce el produi. Esta es un problem ce es posable seria.