Vasco da Gama

From LFN

Vasco da Gama, un navigor portuges, nase sirca 1469 en Sines o Vidigueira en la provinse de Alentejo en la sude de Portugal e mori la 24 de desembre 1524 en India. Se famosia prinsipal veni de se descovre de la via par mar de Europa a India sirca la Capo de Bon-Espera.

Re Manuel I de Portugal dona a da Gama la carga de completi la atentas de Bartolomeu Diaz per descovre la via sude a India. Cuatro barcones su se comanda ia departi de Portugal en julio 1497 e ariva en la sude-ueste de la penisola indian la 20 de maio 1499. da Gama retorna a Portugal en setembre 1499.