Venere
From LFN
|
| Vista de venere de Mariner 10, en colores real |
Venere es la planeta du de la sol, e sircula la sol cada 224.7 dias. Pos la luna de tera, venere es la ojeto plu brilia en la sielo a note, con un potia aparente de -4.6 a plu. Videda de la tera, venere no apare move plu distante de la sol, e se longia es 47.8% a plu. Venere deveni se plu brilia pronto ante la leva de sol, o pronto pos la reposa de sol, e plu veses es clamada la stela de matina o la stela de sera.
Venere es un planeta terin, e es alga veses clamada la sore de tera, per ce la du ave simila grandia e composa. La planeta es covreda con un strato opaca de nubes refletante, e se suprafas no pote es videda de spasio en lus vidable. Venere ia es la sujeto de multe divinas asta alga de se secretas ia es descovreda per siensa planetal en la sentenio 20. Venere ave la atmosfera plu densa de la planetas terin, composada plu de carbon dioside, e la presa atmosferal a la suprafas de la planeta es 90 veses plu pote ce de tera.
La suprafas de venere ia es descriveda en mapas detalios sola en la 20 anios ante. Es evidente de multe ativia volcanal, e alga volcanos es posable ativia ance oji. A contra la move constante de la crosta de tera, siensistes crede ce la crosta de venera sumerji rapida (en un poca milion anios) cada alga sento milion anios.
Venere es clamada per la diva Roman de ama, e la plu de se ojetas de se suprafas es clamada per femas famos e mitolojial.
Atmosfera
La atmosfera de Venere es tre densa, fada de 96% CO2, 3% Nitrogen, e otra gases. En la suprafas, la presa atmosferal es 90 veses plu densa ce acel en la Tera, e la temperatur es prosima 500 C. A contra, 50 cilometros supra la suprafas, la temperatur e presa atmosferal es sirca la mesma de acel en la Tera, e es la plu teral loca en la sistem solal. La siensiste Geoffrey A. Landis ia publica un paper ce asentua ce nos debe vade no a Marte pos la Luna, ma a Venere.
Esplora de Venere
Aora es un sonda sirca la planeta, con la nom Venus Express, creada par la Ajenteria Spasial de Europa. Venus Express ia ariva a la planeta en 2006.
Referis
| La sistem solal | edit | |
| Planetas: | Mercurio | Venere | Tera (Luna) | Marte | Jove | Saturno | Urano | Netune |  |
| Planetas nana: | Ceres | Pluto | Eris | |
| Otras: | Sol | Stela | Sintur de Asteroides | Galasia | Nebla de stelas | Esplode Orijinal | |
