Volapük
From LFN
Volapük [vola'pyk] es un lingua construida per eser un lingua aidante internasional. Johann Martin Schleyer, un prete catolica en Baden, Deutxland, ia crea la lingua en 1879-1880, seguente un sonia en ce la Dio ia parla a el. En 1889, es sirca 283 organizas, 25 jornales en o de Volapük, e 316 testos en 25 linguas. Oji, es sola sirca 20 o 30 parlores de Volapük en la mundo. Ma Volapük ia inspira multe otra atentas per crea un lingua aidante internasional.
La leteras e sonas de Volapük es...
leteras a ä b c d e f g h i j k l m n o ö p r s t u ü v x y z IPA a ɛ b tʃ/dʒ d e f g h i ʃ/ʒ k l m n o ø p r s/z t u y v ks/gz j ts/dz
Parolas ia es prendeda la plu parte de engles, con alga parolas de franses e deutx. Ma multe parolas ia es cambiada e deveni nonconosable.
La gramatica es simile a latina, con multe formas de nomes e verbos:
| Simple | Plural | |
|---|---|---|
| Nominativo | vol (tera - sujeto) | vols (teras - sujeto) |
| Jenitivo | vola (de tera) | volas (de teras) |
| Dativo | vole (a tera) | voles (a teras) |
| Acusativo | voli (tera - ojeto) | volis (teras - ojeto) |
Ajetivos es creada con la sufisa -ik e segue la nom. Los no acorda con la nom.
Averbios es creada con la sufisa -o e segue la verbo o ajetivo.
La verbo ave plu detales, con esta morfemes posable:
- tempo - pasada, presente, futur
- aspeta - perfeta, nonperfeta, nonreal, abitual, posable, comandante
- vose - ativa, pasiva, refletante
- person - prima, du, tre
- numero - simple, plural
- seso - mas, fema, neutra (per la person tre)
- infinitivo (en tre tempos)
- ajetival (en tre tempos e du voses)
Nota ce multe de esta morfemes es nonnesesada, e la verbo simple es permeteda.
Es ance multe afisas per altera la sinifia de parolas.
Per un esemplo, la "Nos Padre" en Volapük:
- O Fat obas, kel binol in süls,
- Kömomöd monargän ola!
- paisaludomöz nem ola!
- Jenomöz vil olik, äs in sül, i su tal!
- Bodi obsik vädeliki govolös obes adelo!
- E pardolös obes debis obsik,
- äs id obs aipardobs debeles obas.
- E no obis nindukolös in tendadi;
- sod aidalivolös obis de bad.
- Jenosöd!
