Wolfgang Amadeus Mozart

From LFN

Wolfgang Amadeus MOZART o plennome (en latina): Joannes/Johannes Chrysostomus Wolfgangus Theophilus MOZART (nase en la 27 de janero 1756, mori en la 5 de desembre 1791) es un de la musicistes plu importante de la istoria de musica.

(En se vive el mesma no usa la nom "Wolfgang Amadeus", ma "Wolfgang Amadé" o a veses, plu o min como broma, "Wolfgangus Amadeus"; la forma moderna de se nom komensa es usada sola pos se moria. A veses el usa nomes bromal, per esemplo Edler von Sauschwanz = nobil de coda porcal, o Franz v. Nasenblut = Fransisco de sangue nasal.)

Vive

Mozart nase en Salzburg. Se padre, Leopold Mozart, es violiniste. La joven Mozart es multe intelijente enfante o Wunderkind (enfante stonante). En enfantia el comensa se ocupa supra musica: Entre se anios cuatro e ses el composa 22 operas de musica. A cuatro anios el ja comensa aprende la piano de se padre, ci es musiciste real en Salzburg. A sinco anios el comensa composa operas de musica e presenta se prima conserta ante la publico. A ses anios el presenta consertas en Munchen e Wien, entre se anios sep e des el fa grande viaja per consertas tra Paris e London. A des-du anios el es ja autor de operas, simfonias e operas de musica per diversa strumentos musical (conxertos); a des-cuatro anios el deveni membro de la famos academia de musica en Bologne (Italia).

En 1991 los declara la anio "La anio de Mozart" per la aniversaria 200 de se moria.

Contra ce el vive sola 36 anios, el produi 626 operas de musica.

El mori en Wien.