Turces
From Vici de LFN
Turces (Türkçe) es la lingua la plu usada de la linguas turc, e la lingua ofisial de Turcia e Cipros Norde.
Contents |
[edit] Gramatica
Turces ave un strutur combinante, en ce sola un 'parola' pote sinia un conseta ce esije plu ce un parola en otra linguas. Per esemplo:
- Me bevi - İçiyorum.
- La persones ci bevi - İçenler
- La persones ci no bevi - İçmeyenler
- La persones ci no va bevi - İçmeyecekler
- Nos no va bevi. - İçmeyeceğiz.
Turces ave armonia de vocales, un conseta ce no esiste en multe otra linguas. Per esemplo, per crea demandas de si o no, turces usa mi, ma la i sona cambia con la parola ce veni ante. Do, pos var (es/esiste), un parola con a, mi cambia a mı per ce la ı sona conveni con a. Ma pos yok (no es/no esiste), mi cambia a mu. Donce:
- x var mı? - Es ce es x?
- x yok mu? - Es ce no es x?
[edit] Vocabulos
La plu vocabulos en turces es nativa a la lingua ma turces ave miles de parolas ce veni de la linguas arab e franses. Parolas de franses ce un parlor de LFN pote reconose inclui tren (tren), bilet (bileta), pratik (pratica), e kültür (cultur).
[edit] Pronomes
- Ben - me
- Sen - tu (nonformal, sola)
- Siz - vos/tu (formal o plural)
- Biz - nos
- O - el
- Onlar - los
